Jab Hum Uski Dhun Mein Raha Karte The ,
Un He Chup - Chap Jiya Karte The !

Aankhon Mein Pyas Hua Karti Thi ,
Dil Mein Toofan Utha Karte The !

Log Aate The Gazal Sunne Ko ,
Hum Uski Baat Kiya Karte The !

Sach Samjhate The Uske Wadon Ko ,
Raat - Din Ghar Mein Raha Karte The !

Ghar Ki Deewar Sajane Ki Khatir ,
Hum Uska Naam Likha Karte The !

Aksar Yahan - Wahan Ki Baaton Mein ,
Use Bhulane Ki Koshish Kiya Karte The !

Kal Use Dekh Kar Yaad Aaya Ki ,
Hum Bhi Kabhi Mohabbat Kiya Karte The !!